Theme of the Year
2013 THEME OF THE YEAR "LET US TAKE UP AND HOLD FIRM TO THE SWORD OF THE SPIRIT, WHICH IS THE WORD OF GOD"
Tuesday, June 12, 2012
TOSO KEI NA SASAGA KI LIU NI NODA I SOQOSOQO LOTU
Ni sa bula vinaka kece sara mai. Eda vakacaucautaka vata tikoga na Yaca talei ni noda Turaga ko Jisu Karisito.
SA VAKACAGAU NA TOSO
Me vaka eda sa taura vakavinaka kece sara tiko ni sa mai vula ono [6] oqo na noda cici vakataki keda e na noda tawasei keda e na vuku ni vakavuvuli kei na na bula savasava eda vakavinavinaka tiko kina vua na Turaga noda sa dusimaki keda ka vakalougatataki keda e na noda i lakolako.
Eda vakadeitaki keda e na veiliutaki ni Turaga e na noda sa toso tikoga ki liu e na kaukauwa ni Yalo Tabu me vaka noda ulutaga ni yabaki oqo – “Let us move forward in the power of the Holy Spirit”.
VEIVANUA E SO EDA VEIQARAVI TIKO KINA
Me vaka ga na noda sasaga ni veivakalotutaki kei na teivaki ni Soqosoqo Lotu vou e so, e uasivi meda kilavata tiko na veivanua eda sa veiqaravi tiko kina kei na veivanua vou sa ra gadreva tiko mai na kena kau vei ira na i Tukutuku Vinaka kei na Veivakalotutaki.
Ko Buliya mai Ono, Kadavu sa tiko kina oqo ko Talatala Qase Jone Vonuqaqa, mai Lamiti, Gau, Lomaiviti sa tiko kina Bro Viliame Liai, na cakacaka vou e Waisasavu, Naitasiri. Oqo e tolu [3] na i Soqosoqo Lotu vou eda na tokoni ira tiko vakailavo kei na veika tale e so me me yacova na yabaki tolu [3] se ni ra sa rawa ni cici ka qaravi ira vakataki ira. Sa ratou tadola tale tikoga mai oqo ko Moala kei Cicia mai Lau kei Dakuni mai Beqa. Eda na sega ni kurabui nira na lewe levu tale era na toso mai vei keda nida maroroya dei tiko na i vakavuvuli kei na savasava ni Kalou na yavu ruarua bibi ea tawasei keda mai kina. “Ko koya mo dou savasava ni sa savasava na tamamudou vakalomalagi” I Pita ……………..
2.
LOTU NI KAULOTU KEI NA BOSE LEVU VAKAYABAKI [MISSION EMPHASIS WEEK]
MEETINGS & MINI-CONFERENCE
Noda i matai ni Bose Levu Vakayabaki [Mini-Conference] e rau na vakayacori vata ga kei na lotu macawa dua ni Kaulotu [Epereli 29 – Me 5] e na Evergreen Christian Centre.
Era na mai tomani keda tiko kina noda i Talatala ni Veisoqosoqo Lotu e so kei na noda Dau Kaulotu mai New Caledonia [Rev. Ratu Meli Saubuluti], Talatala Jone Isireli mai Tanna, Vanuatu, Talatala Timoci Vea mai Brisbane, Australia ka da vakanuinui ni na rawa ni ra na tiko talega kina noda i Soqosoqo Lotu mai vanua tani eso.
Vakamatatataki ni noda i Soqosoqo Lotu kei na noda cicivaki keda.
E vinaka ka bibi meda kila kei ira tale ga era rere ka vakarerei tu vakaveitalia ni noda i Soqosoqo Lotu e yacana vakalawa vakamatanitu na “Evergreen Christian Centre Assemblies of God of Fiji” ka yaca tale ga e register kina e na veiqaravi raraba [National & International Ministries] ko ya na Evergreen Christian Centre Assemblies of God National and International Ministries” E na sega ni rawa ni dua na ka me kauta tani vei keda na yaca na Assemblies of God ka ni da register kina vakamatanitu ka vakayagataki tale ga ki vuravura raraba. Na kaukauwa kei na galala oqori sa veitabaki tale tiko ga kina vei ira noda i Talatala kei na tauri Cakacaka e na gauna oqo ka soli tale tikoga kina nodrai vola ni Cakacaka [Credentials]. Me yacova mai oqo e 65 tiko noda I Talatala kei na i Tauri Cakacaka sa ra tabaki oti ka sa soli tale ga na nodra I vola ni Cakacaka. E vica tale era na tabaki ena gauna ni Mini-Conference ga mai oqo. Sa vakarautaki ka sa register oti tale tu ga noda Constitution kei na By-Laws me noda i dusidusi ni cicivaki keda vaka-i-Soqosoqo.
VULI
E na vakayacori tale tikoga e na siga e na macawa ni Kaulotu kei na Koniferedi na vuli ka na veitauri tale tikoga kina na kena dau e na veilesoni e so e rauti keda na tauri Cakacaka e na noda veiqaravi.
BOSE RARABA
Na Bose Raraba [Mini Conference Special Sessions] e na qai vakayacori tikoga e na Siga Vakaraubuka taucoko ka na bose tiko kina na i Talatala kece kei na mata e so mai na veivale ni lotu ka na vakayacori tale ga kina e vica na i tutu e so ka ra sa tiko rawa e na noda Lawa Buli [Constitution & By-Laws].
Subscribe to:
Post Comments (Atom)
No comments:
Post a Comment
Your Comments Is Highly Appreciated.
May God Bless you.